Tujhko Jeete Hain Hum Saanson Ki Tarah....

Anshu

Tujhko jeete hain hum saanson ki tarah aye mere sanam;

Darr lagta hai ki tu saamne ho, aur saans ruk jaaye

Jeene ki aarzoo mit jaaye jeekar tujko sanam;

Tu mere saamne ho aur mera ye dam nikal jaaye;

Tujhse zindagi ke sabhi rang hi babasta hain

Tu jo mil jaaye to har shai phir berang ho jaaye;

Main tujhe dekh loon kuch is kadar in nazron se;

Tu mere saamne ho phir bhi ,mere dil mein tu utar jaaye;

Tujhko jeete hain,tabhi to hum jee paate hain;

Tu jo aa jaaye to wo aas bhi bikhar jaaye;

Tujhse behtar mere, tere khayal hote hain;

Kya tu bilkul waisa hai ? mujse mere ye sawal hote hain...

Tujhko jeete hain hum saanson ki tarah aye mere sanam…

Mohabbat.....

Anshu

Mohabbat ka ehsaas paas hokar hi ho ye zaruri to nahin;

Kabhi kabhi dooriyon mein bhi; 

Mohabbaton ke zikr har lamhein mein ho jaaya karte hain;

Paas hokar to mohabbat har kisi ki nikharti hai;

Jo dooriyon mein khud ko sanwaar le; 

Wo mohabbatein,bandey ko khuda banaya karti hain;

Mohabbat kashi kaaba mein ya mehboob ki baahon mein bas nahin palti;

Ye wo ehsaas hai jo dilon mein ghar banaya karti hai;

Jeet bhar jaane ki bas aas nahin hoti isko,

Ye wo guroor hai jo khudi ko mitaya karti hai;

Do jism ko ek jaan bas nahin karti ,

Ye to ek jaan ko do jismon mein basaya karti hai;

Sirf bandon se hi laag ye lagati nahin,

Ye to wo ibadat hai jo bandon ko khuda banaya karti hai....

ISLIYE TO

Mohabbat ko samajh paana bahot aasaan,mushkil hai;

Mohabbat har samajh ki har samajh par raaz karti hai....