Jeene waale jeevan ko har lamhein mein jeete hain......

Anshu

Ye kal jo beet gaya hai;Wo kal na aane waala;

Anubhav ka dhan luta kar ye warsh hai jaane waala;

Aashaon ki chaukath par; Yaadon ke deepak sajkar;

Path raushan karte mera; pratichan pratipal wo jal kar....

Jo lamhein beet gaye hain; unmein main bhi beeti hoon;

Ek warsh na khatam hua hai;main bhi to kharch huyi hoon;

Anubhav ke pushp samarpit karne aayi jeevan ko;

Swayam ko lutaya tab hi paaya maine hai khud ko;

Path dekha karti mera vednayein praan jala kar;

Apna astitwa mitatai mera wo maan badha kar;

Main virah panth ki panthi; peera mein hi nikhri hoon;

Chetan se jar phir chetan ban kar ke main sanwari hoon;

Jo karte nhi samarpit khud ko hi khud ke aage;

Wo kuch bhi nahin paa sakte saara jahaan bhi paakar;

Khud ko luta kar hi to sab ko paaya jaata hai;

Aise jeene waalon par . jeevan bhi ithlata hai;

Sab jeete hain paane ko, jeevan ko kuch paate hain;

Lamhon ko kuch jeete hain;kuch lamhein ban jaate hain;

Aate jaate rehte hain chan saal mahine lekin;

Jeene waale jeevan ko har lamhein mein jeete hain……

khwabon ki hakiqat ko sada tarsi huyi si main...

Anshu

Dabi har khwahishon ki laalsa mein tum hi tum to ho;
Humari ankahi farmayishon mein bhi tumhi tum ho;
Jo koi palkon ki chilman mein ek baar jhaank le younhi;
To un palkon mein jagte khwaabon mein jagte hue tum ho;
Tadap kar jab kabhi humne tumhein rokar pukara hai;
To farsh se arsh tak jaati sadaon mein tumhi tum ho;
Kabhi sajdey mein humne jab hatheli ko uthaya to;
Har ek aas mein,ehsaas mein basti duaa tum ho....
Tum mere khwabon mein baste ho phir bhi khwaab se ho tum;
Magar ek khwaab hokar bhi ek khoobsurat ehsaas bhi ho tum....
Tumharay khwaab mein ek khwaab si banti huyi si main;
Un khwabon ki hakiqat ko sada tarsi huyi si main...!!! ♥♥♥

Agar Hum Youn Hi Katra-Katra Khali Hote Rahe......

Anshu

Agar hum youn hi katra katra khali hote rahe,

Apni saari sokhiyan bhi agar khote rahe,

To ye mumkin hai ki ye dil bhi behekna chod de,

Dhadkane dhadke magar wo bhi machalna chod dein,

Mann bhi apni seemaon mein hi khud ko saadh le,

Soch ko kas kar kahin ek kone mein hi baandh le,

Aati jaati saanson mein bhi zindagi ghutati rahe,

Hum bhale jeete rahein par zindagi marti rahe,

Sab samet kar bhi hum khali ke khali hi rahein,

Saari duniya ki sunein par phir bhi kuch na keh sakein,

Baat ho laakhon magar ek shabd ko tarsa karein,

Hungamon mein khoye se khamoshi mein tanha jiyein,

Yeh agar hota raha to sab simat sa jaayega,

Zindagi hogi magar zinda na koi reh paayega,

Hum jo khali ho gaye to, kisi ko  kya bhar paayenge !!!

Apni khali aatma se kisi ko kya hum paayenge,

De sakenge kya kisi ko apni chintan mein jagah,

ya banenge kya kabhi unke hi chintan ki wajah,

Par nahin!!! yeh sab na hoga !

Kuch bhi pehle sa na hoga ,

Hoga bas ek khalipan sa,hum mein jeeta saans leta,

Hum usi mein kho jaayenge,duniya se door ho jaayenge…….

Main Tumse Milne Aaoongi......

Anshu

Suno !!!

Tum yaad ye rakhna,

Main tumse milne aaoongi,

Jab raaton ke saaye raat ko raaton sa rangte hain,

Jab chanda-chandani bhi pyar ki hi baatein karte hain,

Dhara ka mann bhi jab kuch shant sa,khoya sa hota hai,

Ye poora hi jahaan jab neend mein soya sa hota hai,

Ye taare bhi na jaane kis jubaan mein kya kuch kehte hain,

Chamak kar,timtima kar na jaane kya baatein karte hain,

Hawayein bhi kuch alsayi si peron par hi soti hain,

Sehem kar shaant si har patti bhi khamosh hoti hain,

Inhin raaton ke saaye mein, main tumse milne aaoongi,…..

Bhale pratyaksh na paaya magar sapnon mein paaoongi,

Gadhoongi main tumhein apne vicharon ki hi maati se,

Bharoongi praan tum mein apne bhawon ki syahi se,

Miloongi main tumhein har raat khwabon ki hi waadi mein,

Tumhara saath paaoongi main apni kalpanaon ki ghati mein,

Mera intazaar tum karna,

Main tumse milne aaoongi…….

Ajanmi Santaan ....

Anshu

O ajanmi santaan meri!!!

Tu kalpit si aadrishya kahin,

Shunaya mein nirakaar sahi,

Apne astitwa ki sambhawna,

Mein pratiksharat ehsaas kahin,

Tu maa ke mamatwa mein waas kare,

Pita ke purusharth ka sakshya rahe,

Unke har chan mein tu pratichan,

Chan banker har chan beeta bhi kare,

Tu aasha hai abhilasha hai,

Unki abhinnata ki paribhasha hai,

Unmein jeeti unka kal tu,

Apni pehchaan ko tatpar aanewala pal tu,

Santaan meri,mujh mein tu basi,

Saanson mein jeevan paati hai,

Khwabon ke narm bichaune par,

Har neend mein mujhse milne aati hai…..

Swapn Mein Hi Jaag Jaanaa....

Anshu

Neend parichit,swapn surbhit,

Hai ye kaisa taana baana;

Bhor ke aane se pehle,

Swapn mein hi jaag jaana….

Ikshaon ke wo parindey,

Jo hain bebas qaid mein youn;

Un sabhi ka swapn mein hi,

Ek naya aakaash paana….

Main bandhi chahe yahan hoon,

Aatma pe na bandh koi;

Neend ki behoshiyon mein,

Ankaha sabkuch wo paanaa…..

Ho bhale jeevan andhera,

Khwaab ke rang gehre hote;

Ho bhale jimson pe pehre,

Rooh par na pehre hote…..

Swapn ke adbhut jahan mein,

Hai mujhe sab kuch wo paana;

Jo na milta is jahan mein,

Un palon ko jeet laanaa…..

Swapn ke sab rang sunehre,

Un par na duniya ke pehre;

Us  anokhe se jahan mein;

Hai mujhe bhi door jaana…..

Dard Ka Saudagar...

Anshu

Wo dard ka saudagar hai 
Bas dard ka sauda karta hai,
Dardon ke khazane se apni 
Jeevan ki jholi bharta hai,
Khushiyon ke baharon se Bach kar,
Wo dard ka sukha sehta hai, 
Khushiyan na mile to gam hai nahin, 
Gam na milne par gamzada rehta hai, 
Wo peer nagar ka wasinda, 
Khushiyon ke gharaunde kya jaane, 
Wedna hai jiski bas poonji 
Wo sukh ke khazane kyon pehchane, 
Khushiyan to bas is jeevan tak hai,
Peera ki anant kahani hai,
Jeevan ki seema se aage bhi, 
Har seema us ke liye bemani hai,
Ye peer na to seemarat hai, 
Na isko koi baandh hi paaya hai, 
Jeevan ki seemaon ke aage bhi, 
Iski mayawi maya hai...

Zinda laashon ki jeeti jaagti zindagi hai.....

Anshu

Ye bhi koi zindagi hai bhala, 
Jahan saansein na zinda hai na murda, 
Agar hai to ek nishabhdhata hai, 
Jalti bhujhti huyi nishwashon ki,
Jeevan Aur mrityu ke seemankan par,
Stabdh si khari akakshaon ki, 
Jeevan ko paribhashit karti 
Akathya wednaon ki.....
Ye bhi koi zindagi hai bhala!!! 
Par vidamwana hai ki yahi.. 
Ghutan si ghutati zindagi hai,
Ye Mar kar bhi na mari huyi, 
Zinda laashon ki jeeti jaagti zindagi hai....

Zindagi.....

Anshu

Zindagi !!! 
Tere kayi ehsaan hain mujh par,
Ki tune mujhe khushi ki jagah dard diye, 
Jis din se maine tujhko apne dard mein jiya,
Tere diye dukhon ka kadwa ghoont piya, 
Tere sadke bebas lamhon ko,
Aansoo peekar apna bhi liya, 
Par un theekhe se lamhon mein,maine na Tujhe kabhi pehchana, 
Tu mere liye sab lutati rahi par bhed na tera maine jaana, 
Tu dard ki aag mein tapa tapa kundan sa mujhe banati rahi, 
Main bhale tadapti roti rahi tu mujhko main sa sajati rahi,
Maine tap kar jal kar mit kar hi apne astitwa ko aaj paaya, 
Isliye aye jeevan tujhko naman mera rom rom karne aaya..

Mera Aap Simat Jaayega.....

Anshu

Ye waqt na Phir aayega, 
Ye aaj na kal aayega 
Tum hoge main bhi hoongi 
Ehsaas simat jaayega 
Tumhein meri zarurat hogi 
Mujhe teri zarurat hogi, 
Par humsa hum na hoga 
Unmaad simat jaayega 
Tum saath saath to hoge, 
Tum paas paas bhi hoge,
Par ispar bhi jeevan ka,
Zazbaat simat jaayega,
Tum jeevan mein to hoge, 
Par jeevan tum bin hoga,
Is saari uljhi uljhan mein, 
Anuraag simat jaayega, 
Teri aas laga baithi hoon,
Main aaj ke in lamhon mein, 
Jo tu aa na saka to humdam, 
Sab khwaab simat jaayega... 
Ehsaas simat jaayega, 
Zazbaat simat jaayega, 
Aur mujh mein thak kar khud hi 
Mera aap simat jaayega.....

Tiranga.....

Anshu

Tiranga !!!

Sirf teen rang nahin

Ye aatma hai mere desh ki

Ye abhiwyakti hai swadesh ki

Inmein sirf jai ka unmaad nahin

Akathya wedna hai beete hue bhoot ki

Ye humare swatantraya ki pehchaan hi nahin

Ismein bimbit hai sadiyan paratantra ki

Ye sirf sahas himmat ko hi mastak par dharan nahin karta

Ismein lahu  mila hua hai humare ubalte hue balidaan ka

Isne ahimsa aur satya ka hi marg wishwa ko nahin sujhaya

Par jiye hain swayam isne bhi kayi lamhein sangharsh ke

Iski hari bhari dharti ko dekh kar bhramit na ho jaana

Ki us dhara ne hi jhele hain kayi mausam baadh aur sukhaar ke

Iske badhte kadam zaroor sunehre bhawishya ki aas jagate hain

Par us bhawishya ki neev mein soye hain asankhya veer

Humare aaj ke liye apna aaj waar ke

Aazaadi ki khusi to hai par ek kasak bhi hai beete hue kal ke liye

Aane waale kal ke liye hausla to hai par shradha bhi umar kar aati hai beete lamhon ke liye

Kaash hum apne aaj ko jeete hue apne kal ko bhi sambhal paate

Un beete lamhon mein jee paate un bujhi huyi saanson ko chu paate

Un aankhon ki chamak ko apni aankhon mein bimbit kar paate

Par ye sab na hokar bhi hum aajaaz hain

Ye Tiranga prateek hai humari aazadi ka

Sirf teen rangon mein nahin simta ye

Ye abhiwyakti hai swadesh ki……..

Ek Barsaat Aisi Ho...

Anshu

Ek barsaat aisi ho

Jo barse to kuch youn barse

Ki tan to bheeg jaaye hi

Aur mann ko bhi wo tarr kar de

Wo boondein tann pe bikhre youn

Ki bheetar tak hara kar de

Ki mann ki banzar dharti ko

Bahot chupke se sehla de

Barasti  boondon ki chap-chap se

Soye zazbaat jag jaayein

Barasti  barkha mein phir se

Humare  bhaag jag jaayein…

Main Shunaya Ki Parakashtha.....

Anshu

Is bolti khamoshi ko chup koi kara de;
shabdon ki bheer se koi ankahe shabd suna de,
Dena hai to kuch arth de is shabdheen mann ko;
Warna mujhe beshaq hi shunaya mein mila de,
Main shunaya mein sama kar bas shunaya ho jaaoongi ;
Us shunaya se Phir srijan ki parakashtha ko paoongi, 
Janti rahoongi ki zindagi ko apni kokh se main ;
Kalpit karoongi shunaya ki saari wednayein main,
Marr kar bhi main us shunaya mein hi fir samaoongi ;
Isi tarah Har yug-kaal mein main aise hi aaoongi.... 
Main shunaya ki parakashtha.....

Ye Palkon Se Gire Aansoo......

Anshu

Ye palkon se gire aansoo; Na moti hain na paani hain; 
Agar hote jo ye paani to ye berang se hote,
Na ehsaason ke rangon se ye aise youn bhare hote,
Jo kehte ho inhein moti to ye bhi tum samajh lena
Ye maana humne ki, moti bade anmol hote hain;
Magar aansoo ki baatein ho to wo bemol hote hain
Hai koi bhi nahin aisa jo unka mol kar paaye;
Baraste bhawnaon se apna khajana youn hi bhar laaye...

Barsaat

Anshu

Barsaat

Aaj badal kuch Youn toot kar barsa ;
Aisa laga jaise aasmaan ka dil dharti ke liye tarsa 
Bas hoti rahi der tak boondon ki halchal ;
Dhara ke antar ko karti rahi jal - thal 
Kuch ajeeb si tarap thi aaj ki barsaat mein ;
Paani baras raha tha magar kuch dard the saath mein
Ek bebasi thi, tarap thi Aur the kayi ankahe ehsaas ;
Jo barasti boondon ke saath aa rahe the Dhara ke paas
Aaj is barsaat mein kuch to baat thi ;
Main sochti hi reh gayi Aur woh sab keh gayi...

Meri ye chahtein

Anshu

Meri ye chahtein

Meri har nazar teri muntazir ,
Meri saansein teri amanatein ;
Teri justazoo teri aarzoo,
Yahi bas hai meri khwahishein;
Tu mere liye hai naseeb wo,
Jiski tammanna thi umr bhar;
Yahi soch soch ke abtak,
Main soyi nahin kabhi raat bhar;
Mere khwaab tera maqaan hain,
Meri dhadkanein teri raahtein;
Tu kahin rahe aye mere sanam,
Na mitegi meri  ye chahtein.... 

Rubaroo Zindagi

Rubaroo  Zindagi

Kavi to itni aasaan ban aye zindagi!!!

Ki main tujhe  lafzon mein bayan kar sakoon…..

Brahmand ke sagar mein samay ki seepi mein panapte anginat motiyon jaise khubsurat lamhon ki mala si hai ye zindagi jo ehsaason ke dhagon mein piroyi hoti hai aur anubhawon ki gaanth use baandhe rakhti hai.

Kya hai ye zindagi ?

Lamhein,ehsaas,anubhaw,saansein,dhadkan ya wo anubhuti Jo zindagi ko zindagi se rubaroo karwati hai,ya wo samwednayein jo manviye chetna ko jhakjhorti hain,aur le aati hain unhein abhiwyakti ke marg par jahan se shabdon ke nanhe kadam dheere-dheere zindagi ke khatte mithe bhawon ko apne wicharon ki pagdandiyon pe bikher aate hain aur phir unhin pagdandiyon se hokar jeewant jeevan ki akathya wednayein,samwednayein apne iti ko prapt hoti hain….apne ant ko prapt hoti hain ek nayi shuruaat ke liye,ek nayee zindagi se rubaroo hone ke liye.Ye silsila anant kaal se anwarat chalta raha hai aur anant kaal tak chalta rahega…

Maa ke garbh mein shunaya se apne astitwa ko paati ye zindagi swayam hi swayam ko aakaar deti hai aur deti hai ek chaitanya chetna  jo kisi bhi wisham paristhiti mein apni chetna nahin khota aur tab tak humari aatma mein spandit rehta hai jab tak ki hum swayam nishpand na ho jaayein.yahi chetna humein zindagi ke akathya swadon se rubaroo karwati hai,ye jab tak hai tab tak zindagi nahin rukti,tab tak hum nahin rukhte,humari wichardhara nahin rukti,humari abhiwyakti zinda rehti hai.

Waise to zindagi ki sampoornta ko abhiwyakt karna kisi ke bhi bas mein nahin kyonki ehsaas shabdon ke seemankan se parae hain par kabhi kabhi shabdon,rangon,aur kala ke madhyam se ise abhiwyakt karne ki koshish aksar ye manu-putra manav karta raha hai.Ab wo kis hadd tak safal hua hai ye to kehna kathin hai parantu apni aantarik bhawon ke kuch ansh ko bhi abhiwyakt kar ke uski aantarik ghutan aur umang kuch had tak bahar aati rahi hai aur dono hi surtehaal mein ye hamesha manav jaati ke utthan mein hi sahayak rahi hai….Antaraatma ki ghutan ke bahar aane se manav halka mehsus karta hai aur wo ghutan ek kriti ka roop lekar amar ho jaati hai wahin antar ki umang bahar aakar ek kriti ko to janm deti hi hai saath mein manavta ke liye karuna aur aanand ka sanchaar karti hai……

Bhale manav kuch had tak hi zindagi ko samajh paaya ho par is zindagi se rubaroo hone ki kashish use humesha is zindagi se rubaroo karwati rahegi aur wo apni har saans mein hota rahega Rubaroo Zindagi……

(Anshu)

Mujhko har lamha chalne aaya….

Anshu

Kya khoya hai kya paaya hai
Dil soch soch bharmaya hai
Jeevan k lambe raston par 
Apna astitwa lutaya hai
Kal tak jo lamhein mere the
Jinko maine khud seenche the
Wo aaj to lagte hain sapana
Jaise na wo the kabhi apna
Main marti rhi har lamhein mein
Phir unmein hi jeevan paaya
Har ek lamhein mein har lamha
Mujhko har lamha chalne aaya….

Tumhi mein Praan aur nirvan mere sab nihit honge.....

Anshu

Tumhi mein praan aur nirvan mere sab nihit honge.....

Ghana jungle sa ehsaason ka hai mujh mein,Tum nahin aana, 

Inhein pehchana mushkil Kahin tum kho nahin jaana,

Ye is chor se us chor tak bas ek paheli si,

Jo hungamon mein bhi hai khamosh Aur Bilkul akeli si,

Ye zazbaton ki Roshni se hi pal bhar roshan hoti hai, 

Phir agle pal akelapan mein apni aas khoti hai,

Jo samwednaon ke jugnu chun ke apne saath le jao, 

Unhin ki Roshni se aap apni raah chamkao, 

To sambhaw hai tumhein bhi zindagi ki aas Mil jaaye, 

Andheri raat ke jaisa akelapan bhi chat jaaye,

Uday ho ek naya suraj tumhari aatma mein bhi,

Ki jiski laalima se khushiyon ka aakaash saj jaaye, 

Meri is wedna mein Phir tumhara saath Youn hoga, 

Milan ke parv mein, Har ek chan se Phir srijan hoga,

Srijit honge naye rishtey anokhe prem bandhan se

Jo bandhan se bhi bandh kar ek naya aakaash de denge,

Main bandh kar bhi tumhari aatma mein Youn prasann hoongi 

Ki koi bhi ho keemat main khushi ke badle na loongi, 

Tumhi se Phir mere Har chan shuru tum par khatam honge, 

Tumhi mein praan Aur nirvan mere sab nihit honge.....

(Anshu)

TuKbAnDi....

Anshu

" ye zindagi " is a page of mine on facebook...where i write with my pen-name " kavya "...

Anshu

Perfect in Imperfection

Perfect in

 Imperfection

Perfection!!!

A word so simple yet so complicated in its description.

What perfection is all about??? How it can be analyzed?

How one can find out the exact meaning of being perfect. Does anyone can define what perfection and imperfection means in real sense, how one can differentiate between what is perfect and what’s imperfect? The definition of perfection change from person to person. What seems perfect to a person cannot be perfect for others and what seems imperfect may be perfect to others.  Is there any thin line between these two virtues? If yes, then who will show us what that line looks like and where the word perfection ends and imperfection starts? I think no one from this materialistic world with mortal thoughts is capable to distinguish between the two as they themselves are not very clear with their own changing thoughts. Their thoughts changes according to changing scenarios of life and circumstances. What seems right to them now would not be right to them after some time. When they themselves are not very clear and firm in their decisions and thoughts then how can we expect from them to distinguish between these two virtues of life.

To every mortal the definition of perfection is as mortal as their own self. And person to person it change accordingly. Leaving behind the mortal definitions if we see in a broader light then there is no perfection or imperfection, its only creation in its all glory which is magnificent, noble, beautiful, enchanting, flawless and divine. And what is divine is beautiful and noble. As soul is the only divine which is the sole reason of our existence is flawless in all flaws, perfect in every imperfection and immortal in its mortality. It’s beyond any virtual aspects of life. What seems ugly and dirty to human beings is beautiful in its imperfection b’coz they all are created by the same almighty that has created the beautiful things in world. Then how come the creator himself can create something which is less important for the world. The perfect and imperfect, pure and impure, beautiful and ugly are the virtues created by humans and it depicts their limited thinking as they are not able to rationalize the thought that everything is created by the god himself so how it’s possible that whatever he has created is imperfect or ugly. He has created human in his own imagination, so questioning the perfection or imperfection, beauty or ugliness of any human being is questioning his existence. It’s only him who can differentiate us on the basis of perfect or imperfect but he has not done anything of that sort. If he wanted to differentiate us on these virtues then he should have made us different in our appearance or he would have marked us with some sign which may have proved that we are not perfect but nothing of that sort has been done by him. A newly born baby can’t be differentiated with any kind of sign or symbol b’coz for god we all are his lovely child and he has made all of us beautiful and perfect in our own ways.

The worldly standards are the only complicated means on which every person is judged perfect and imperfect. How these mortals can judge us on their own created standards when they don’t know anything about our beauty, potential and our importance to this world. When they don’t know, nothing in this world is as useless as it seems to them. What may seem useless to them may be the most beautiful, unique and important thing for this world. They have their own standards to judge a person’s suitability to this mortal materialistic world of their but that doesn't prove them to be right.

It’s the catastrophe of humans that they don’t understand their potential and make themselves weak on the not so real virtues of perfection and imperfection, beautiful and ugly. They don’t understand their limitless potential and the uniqueness of their soul. They make themselves limited to the mortal world when they are as divine and immortal as the god himself….

As god has created them in his own imagination and he is supreme who is perfect in its all imperfections…..

Still I Rise 

Maya Angelou

You may write me down in history
With your bitter, twisted lies,
You may trod me in the very dirt
But still, like dust, I'll rise.

Does my sassiness upset you?
Why are you beset with gloom?
'Cause I walk like I've got oil wells
Pumping in my living room.

Just like moons and like suns,
With the certainty of tides,
Just like hopes springing high,
Still I'll rise.

Did you want to see me broken?
Bowed head and lowered eyes?
Shoulders falling down like teardrops.
Weakened by my soulful cries.

Does my haughtiness offend you?
Don't you take it awful hard
'Cause I laugh like I've got gold mines
Diggin' in my own back yard.

You may shoot me with your words,
You may cut me with your eyes,
You may kill me with your hatefulness,
But still, like air, I'll rise.

Does my sexiness upset you?
Does it come as a surprise
That I dance like I've got diamonds
At the meeting of my thighs?

Out of the huts of history's shame
I rise
Up from a past that's rooted in pain
I rise
I'm a black ocean, leaping and wide,
Welling and swelling I bear in the tide.
Leaving behind nights of terror and fear
I rise
Into a daybreak that's wondrously clear
I rise
Bringing the gifts that my ancestors gave,
I am the dream and the hope of the slave.
I rise
I rise
I rise.

" Ehsaas "

" EHSAAS "

Zindagi guzar rahi hai aur saath mein guzar rahe hain kuch ehsaas bhi kuch lamhein bhi,

Samay ki aagosh mein simte hue se kuch kabhi na poore hone waale ehsaas bhi,

Lamhon ke saath beetate huye ehsaas, samay ki ret mein khote hue ehsaas,

Titliyon ki tarah samay  ki shakhon par baith kar apne rangon ko zindagi ki hatheli mein chod kar udd jaate hue se ehsaas,

Tammanaon ki ret par bebsi  ka sooraj ban kar aatma ki khwahishon ko jhulsate hue se ehsaas,

Khamoshi se behte hue aansoan ki bhasha mein kuch dardnaak jumle kehkar jaate hue ehsaas,

Raat ki taariqi mein bina khwabon ke jaagti aankhon ke sunepan ki daastaan bayan karte ehsaas,

Beete hue lamhon mein apni zindagi ke ek hisse ko na chah kar bhi khone ka ehsaas,

Zindagi hone ke baad bhi kabhi zindagi ke ehsaason se rubaroo na hone ka ehsaas,

Kayi adhuri khwahishon ke kabhi na poora hone ka ehsaas,,,

Zindagi mein sab hone par bhi tamaam umr ek adhurepan aur khalipan ka ehsaas,

Aarzuon ki kabr par ehsaason ke anginat diye jalate huye ye ehsaas,

Isi tarah ehsaason ki kashmakash mein ek din humari zindagi tamam ho jaayegi,

Aur shayad us din kahin jaakar humein in kambakhat ehsaason se mukti mil paayegi..........

( Anshu )