~: ANUBHUTI :~

Nainon se sawan barse to, yowan wirha mein tapti hai

Hothon par khilti huyi haya, bas baat piya ki kehti hai

Ashkon ke nirjhar jharnon se, palkon ke band toot jaane do

Tanhayi ke is do chan mein, yaad kisi ki aane do

Kisi ki nazron mein reh kar, nazrein khud hi jhuk jaati hai

Baat labon par aakar bhi, bewajah hi ruk jaati hai

Mehndi se naam jo likhi huyi, band mutthi mein chup jaati hai

Par wo mehndi ki laali bhi, kuch chupke se keh jaati hai

Chudi or payal ki sokhi, in sooni tanha raaton mein

Dil ko dharkati hai pal pal, yaadon ke koshagaron mein

Khan-khan chudi cham-cham payal, jab haule se baj uthati hai

To kisi ke soye zazbon par, ban sawan baras wo padti hai

Takdir mein jo taswir chapi, ya gori ke gore haathon mein

Ban jaati hai wo bhagya yahan, kabhi tootate taaron mein

Mann ke aangan mein jab ghunghru, anubhuti ke bajte hoan to

Koi devta aakar ke, mann mandir mein bas jaata hai

Ashkon ki behti ganga se, jab tan mann ye dhul jaata hai

To dil ke is aayine mein, koi bimbit ho jaata hai....

( Ansh )